Կենտրոն եւ Նորք-Մարաշ վարչական շրջանների ընդհանուր իրավսության դատարանը դատավոր Արշակ Վարդանյանի նախագահությամբ ավարտել էր վկաների, տուժողի հարցաքննությունը, երբ դատապարտյալ Ստեփան Հովակիմյանի դեմ հարուցված քրեական գործով մեղադրող Ջոն Ֆարխոյանը միջնորդեց՝ երկու ամսով Ստեփան Հովակիմյանի նկատմամբ կալանք ընտրելու վերաբերյալ: Այս քրեական գործը հարուցվել էր «Մոսկվա» կինոթատրոնի գողության փաստի առթիվ հարուցված քրեական գործով անցյալ տարվա հուլիսի 26-ին ընթացած դատական նիստի ժամանակ մեղադրանքը պաշտպանող դատախազի՝ Սամվել Հարությունյանի դեմ Ստեփանի կողմից բռնություն կիրառելու կապակցությամբ:
3 տարվա ազատազրկման դատապարտված Ստեփանը, երբ լսեց Ջոն Ֆարխոյանի միջնորդությունը, թե նրա պատժի ժամկետը գողության գործով լրանում է փետրվարի 6-ին, եւ Ստեփանը կարող է խուսափել դատական այս քննությունից, կարող է ազդել վկաների վրա, ակնհայտորեն դուր չեկավ ամբաստանյալին: Նա ասաց. «3 տարի է 20 հոգու հետ նստած եմ մի խցում, փակված, չարժեր, ինչա 2 կոպե՞կ եմ գողացել»:
Դատարանը մեկ ժամ տվեց պաշտպանական կողմին, ապա որոշեց բավարարել դատախազի միջնորդությունը՝ երկու ամսով կալանել Ստեփան Հովակիմյանին: Ի դեպ, պաշտպանական կողմն ունի ժամանակ բողոքարկելու համար:
Ռ.Մինասյան
Կարդացեք նաև
