«Ամենեւին էլ պատահական չէր էպոսագետի հայտնվելը նախընտրական շրջանում եւ որպես էպոսագետ նախագահի թեկնածու առաջադրվելը:Նա եկել է հոգեւոր բացը լրացնելու»,- կարծում է տնտեսագետ Գագիկ Մակարյանը
Էպոսագետ Վարդան Սեդրակյանի` քաղաքական դաշտ հայտնվելը եւ նախագահի թեկնածություն դնելը պատահականություն չէ: Վերլուծելով նախագահի թեկնածուների նախընտրական ծրագրերը՝ այսօր «Սլաք» ակումբում նման կարծիք հայտնեց Հայաստանի գործատուների միության նախագահ Գագիկ Մակարյանը:
Նրա դիտարկմամբ` նախորդ տարիների ընթացքում քիչ է ուշադրություն դարձվել մշակույթին, քանի որ այդ ոլորտը շատ ծախսատար է, իսկ մեր պետությունը մշտապես տնտեսական դժվարություններ է ունեցել. «Եվրոպան շատ ազատականացրել է այդ ոլորտը, յուրաքանչյուր քաղաքացի ինքն է ընտրում՝ ինչպիսի ուղղությունների հարի, իսկ ահա Հայաստանում ավելի կոնսոլիդացված մեխանիզմ է, եւ այստեղ հնարավոր է նաեւ էպոսագետի հայտնվելը պատահական չէր, քանի որ իր մոտեցումներով նա փորձել է այդ հոգեւոր մասը լրացնել կամ ժողովրդի ուշադրությունը սեւեռել հոգեւոր կողմը»:
Նելլի ԲԱԲԱՅԱՆ
