«Ծրագիրը չորս ու կես տարի առաջ սկսվեց՝ բյուջեն կազմեց 3 միլիոն եվրո: Երիտասարդների հանդիպումը եւ քննարկումները կարեւոր էին, բոլոր այն մարդիկ, ովքեր ներգրավված էին, շատ բան սովորեցին»,-այսօր լրագրողների հետ հանդիպման ժամանակ հայ-թուրքական հասարակական հարաբերությունների մասին նշեց Գերմանիայից պրոֆեսոր Մաթիաս Քլինգբերգերը:
Թուրքիայից պրոֆեսոր Լեյլա Նեյզիի համոզմամբ՝ ամենակարեւոր մասը այս ծրագրի Հայաստանի եւ Թուրքիայի երիտասարդների հանդիպումն էր: Երկու խմբերը միմյանց հետ շփում չէին ունեցել: Խոսելով թուրքական խմբի մասին՝ նշեց, որ խումբը բազմազան էր, քանի որ գալիս էին տարբեր էթնիկ միավորումներից.
«Ծրագրի դրական կողմն ու լավ գնահատականն այն է, որ հայ ուսանողներից մեկը աշխատում է Ստամբուլում, իսկ թուրք ուսանողը ապրում եւ սովորում է Հայաստանում: Թուրք ուսանողների հետ ես այցելել եմ հայաբնակ շրջաններ, հանդիպել ենք տարբեր ծեր մարդկանց, ովքեր հիշողություններ ունեին հայերի մասին: Լսելով ծեր մարդկանց պատմությունները՝ երիտասարդները սկսեցին սովորել եւ այլ կերպ նայել այն պատմությանը, որը վերաբերում էր ցեղասպանությանը, քանի որ թուրքերը դեռ այն չեն ճանաչել»:
Նրա խոսքով՝ հասարակությունը Թուրքիայում փոխվում է, անհրաժեշտ է պետության ու հասարակության միջեւ տարբերություն դնել.
Կարդացեք նաև
«Այն մարդիկ, ովքեր ընդունում են ցեղասպանությունը, իրենց ճնշված են զգում Թուրքիայում: Մեր ուսանողները այս ծրագրից տանում են շատ գործիքներ, որոնք հետագայում կօգտագործեն, այսպես մենք կփոխենք այն մամուլը, որը կարծիք է թելադրում»:
Անժելա ՇԱՀՈՒՄՅԱՆ
