«Ես հարում եմ Հայաստանի Հանրապետական կուսակցությանը եւ հարում եմ Նժդեհի գաղափարախոսական բոլոր ծրագրերին», հայտարարել է ՀՀԿ-ի (նախկինում՝ ՀՀՇ-ի) Գեւորիկը։
«ՉԻ» – Իր այս հայտարարությամբ Գեւորիկը փաստորեն վերջ դրեց բոլոր այն դատարկ խոսակցություններին, թե իբր ՀՀԿ-ն իրականում հասարակական աջակցություն չունի եւ ընդամենը իշխանությունը բռնազավթած մարդկանց խումբ է։ Հիմա արդեն վստահաբար կարող ենք պնդել, որ Սերժ Սարգսյանի օգտին տրվելիք ձայներից առնվազն մեկը կեղծված չի լինելու, հետեւաբար՝ «համատարած ընտրակեղծիքներ» արտահայտությունը այլեւս կիրառելի չէ։ Ինչ վերաբերում է Գեւորիկի՝ «Ազատիչը կրել ա, կրելու ա» արտահայտությանը, ապա կարծում ենք՝ դա կարելի էր դարձնել Սերժ Սարգսյանի նախընտրական հիմնական կարգախոսը, որովհետեւ դրա իրականացման հավանականությունը շատ ավելի մեծ է, քան ապահով Հայաստան կառուցելունը։
Այսպես թե այնպես՝ կարող ենք ջերմորեն շնորհավորել Սերժ Սարգսյանին։ Ոչ բոլոր թեկնածուները կարող են պարծենալ նման գաղափարապես ամուր էլեկտորատով, իսկ դա հաղթանակի կարեւորագույն գրավականն է:
«Չորրորդ ինքնիշխանություն»
