Նախագահի 8 թեկնածուներից 6-ն իրեն նախընտրական ծրագրերում, ըստ էության, տնտեսական ոլորտի մասին ոչինչ չեն ասում: Կարծում է տնտեսական մեկնաբան Հայկ Գեւորգյանը:
Նրա կարծիքով Սերժ Սարգսյանի ծրագիրն առանձնանում է բացառիկ անկեղծությամբ,. «Սարգսյանի ամբողջ տնտեսական ծրագրում ընդհանրապես գոյություն չունի տնտեսական մրցակցություն բառակապակցությունը: Դա շատ անկեղծ է Սերժ Սարգսյանի կողմից, ի զարմանս ինձ, որովհետեւ նախկինում ասում էին տնտեսական մրցակցություն, բայց անում էին բոլորովին ուրիշ բան»
Տնտեսական մեկնաբանի գնահատմամբ` Սերժ Սարգսյանի ծրագրին հակադրվում է նախագահի թեկնածու Հրանտ Բագրատյանի «Ընդամենը 100 քայլ մինչեւ սոցիալական արդարություն» ծրագիրը. «Պրոֆեսիոնալ կազմված, այնտեղ հեծանիվներ չկան հորինված: Հրանտ Բագրատյանը տնտեսության զարգացումը տեսնում է այնպիսի ուղղություններով, որոնցով նախկինում ու հիմա զարգանում է առաջադեմ աշխարհը` դա տնտեսական մրցակցությունն է»,- ասում է նա։
Մանրամասները կարդացեք այստեղ:
