«Ինքնագովազդի գրոսմայստեր» Սաակաշվիլին ՀՀ–ի հետ վարում էր հարթ հարաբերություններ
Հանրապետական ինստիտուտի տնօրեն, վրաց փորձագետ Իվլիան Խաինդրավան «Առավոտ»-ի հետ զրույցում անդրադառնալով հարցին, թե հայ-վրացական հարաբերությունների մակարդակը կարո՞ղ է տարբերվել Վրաստանի վարչապետ Բիձինա Իվանիշվիլիի իշխանավարման ընթացքում՝ նախագահ Միխեիլ Սաակաշվիլիի իշխանավարման ժամանակահատվածից, նկատեց, որ՝ «անկասկած»:
«Սաակաշվիլին եղել եւ մնում է ինքնագովազդի գրոսմայստեր եւ կարողանում էր հաջողությամբ հռետորաբանությունը ներկայացնել որպես գործողություն։ Մինչդեռ, երբեմն, հռետորաբանության եւ իրողությունների միջեւ նույնիսկ լիակատար հակադրություն կար: Թեեւ, պետք է խոստովանել, որ Հայաստանի հետ նա վարում էր, պահպանում էր հարթ, բարիդրացիական հարաբերություններ, եւ այլ կերպ չէր էլ կարող լինել: Իվանիշվիլին, անհատ է, որը նպատակաուղղված է գործի վրա, բայց պետք չէ նրանից անմիջապես ակնկալել «երկնքից թափվող մանանա», եւ պետք չէ նրա «կոկորդից բռնել»՝ պահանջելով իրավիճակի վայրկենական շտկում, որը տարիներով բարձիթողի վիճակում է եղել: Նման մոտեցման հետ արդեն իսկ բախվում ենք ինչպես երկրի ներսում, այնպես էլ հատկապես երկրի սահմաններից դուրս, իսկ դա կարող է վնասել, ոչ թե օգուտ բերել: Եվ իհարկե, երկկողմ հարաբերությունները պահանջում են հանդիպակաց մտադրություններ, հանդիպակաց քայլեր: Եւ պետք է նկատել եւ գնահատել գործընկերոջ բարեխղճությունը»,- նշեց Իվլիան Խաինդրավան։
Կարդացեք նաև
Էմմա ԳԱԲՐԻԵԼՅԱՆ
Իվլիան Խաինդրավայի հետ հարցազրույցն ամբողջությամբ կարող եք կարդալ վաղվա տպագիր «Առավոտ»-ում:
