«Գլոբալիզացիայի եւ տարածաշրջանային համագործակցության վերլուծական» կենտրոնի տնօրեն Ստեփան Գրիգորյանի գնահատմամբ, առաջիկա ընտրություններում ՀՀԿ թեկնածուն առավել բարձր դիրքերում է:
«Նրա ունեցած քաղաքական ռեսուրսները անհամեմատելի մեծ են այլ թեկնածուների ռեսուրսներից: Այդ պատճառով, առաջիկա նախագահական ընտրություններն անցնելու են մրցակցային ցածր մակարդակով: Վատ է, որ հավասար պայքար չէ, բայց զարմանալի է միայն իշխանություններին մեղադրելը»,- այսօր «Ազդակ» ակումբում ասաց պարոն Գրիգորյանը:
Սերժ Սարգսյանի հիմնական առավելությունը Րաֆֆի Հովհաննիսյանի ու Հրանտ Բագրատյանի նկատմամբ, ըստ վերլուծաբանի. «Նրանք ինչ ասում են, այսօրվա իշխանություններն անում են: Օրինակ, ասում են՝ պետք է աշխատել ե՛ւ Եվրոպայի, ե՛ւ Ռուսաստանի հետ, գործող իշխանությունները դա էլ անում են: Սերժ Սարգսյանի առավելությունները մեծ են նաեւ արտաքին հարաբերությունների ոլորտում»:
Իսկ Սերժ Սարգսյանի եւ Րաֆֆի Հովհաննիսյանի քաղաքական ծրագրերի տարբերությունը, ըստ պարոն Գրիգորյանի, միայն ղարաբաղյան հարցի կարգավորման մոտեցումների մեջ է. «Այստեղ է, որ հստակ տարբերություն կա նրանց մոտեցումներում: Րաֆֆին ասում է՝ ճանաչել անկախությունը, բայց ես կարծում եմ, որ կարող է պահը գա, որ ստիպված ճանաչենք, բայց այսօր այդ պահը չէ: Մինսկի խմբի շրջանակներում ակնհայտ առավելություն ունենք, այդ է պատճառը, որ Ադրբեջանը փորձում է տապալել բանակցությունները: Ճանապարհը դեպի անկախացում շատ հստակ է, բայց Աստված չանի, եթե Ադրբեջանը սխալվի ու ուժային քայլեր ձեռնարկի, կսկսվի միակողմանի ճանաչում, ու Հայաստանը չի հասցնի առաջինը լինի»:
Կարդացեք նաև
Արփինե ՍԻՄՈՆՅԱՆ
