Facebook.com սոցիալական ցանցում կռիվ է գնում նախագահի թեկնածուների երկրպագուների միջեւ: Այդ են վկայում քարոզչական նյութերում արված մեկնաբանությունները: Բացի այդ, որոշ էլեկտրոնային կայքեր հարցումներ են տեղադրում, որտեղ կարելի է քվեարկել նախընտրած թեկնածուի օգտին: Տարօրինակ կերպով որոշ թեկնածուներ այդ հարցումներում առաջին տեղերն են զբաղեցնում, ինչը հավանաբար դուր չի գալիս մյուս թեկնածուների PR-ով զբաղվողներին, կամ՝ երկրպագուներին, ինչի արդյունքում էլ Facebook-ում բացվել են էջեր, որտեղ նախագահի թեկնածուների ծաղրական նկարներն են տեղադրվում: Որպես օրինակ՝ նշենք «Ընդմիշտ հեռանում եմ» էջը , որը պատրաստված է հատուկ Սերժ Սարգսյանին վարկաբեկելու նպատակով, եւ այս անգամ էլ գռեհիկ կերպով անդրադարձել է Րաֆֆի Հովհաննիսյանին:
Էջում հատուկ տեղ են զբաղեցրել նաեւ մի շարք Հանրապետական կուսակցության պատգամավորներ, Արմեն Աշոտյանը, Մհեր Սեդրակյանը, Էդուարդ Շարմազանովը եւ այլք, ինչպես նաեւ ՀՀ նախկին երկու նախագահները: Facebook-յան էջի նպատակը՝ համենայն դեպս, այդպես գրված է լուսանկարում, 2013 թվականի փետրվարի 18-ից Սերժ Սարգսյանին աշխատանքից հեռացնելն է, բայց մի բան պարզ չէ, թե ում օգտին է բացվել «Ընդմիշտ հեռանում եմ»-ը, անհասկանալի է:
Եվա ՀԱԿՈԲՅԱՆ
