«Քարոզարշավի այս օրը, ինձ համար որպես նորություն ձեր խմբագրականն է , դա նոր բան է: Իսկ ընդհանրապես՝ հարցազրույցներ եմ տվել ռադիոյով, երեկոյան խոսելու եմ ուղիղ եթերով: Ես միշտ նոր ասելիք ունեմ, որոնք սիրում եմ միայն ուղիղ եթերով հնչեցնել»,- Aravot.am-ի հետ զրույցում ասաց նախագահի թեկնածու Արամ Հարությունյանը:
Մեր դիտարկմանը, ինչպե՞ս կմեկնաբանի քաղաքագետների միության նախագահ Հմայակ Հովհաննիսյանի հայտարարությունը, որ նախագահի թեկնածու Անդրեաս Ղուկասյանից բացի, մնացած բոլոր թեկնածուների առաջադրումը իշխանությունների համար կանխատեսելի էր, նրանք վերջինների կողմից նախապատրաստված էին, Հարությունյանը ասաց.
«Հմայակին ես հիմա պիտի մեկնաբանե՞մ, բայց չէ որ նա երեք կուսակցության ցուցակով անցած մարդ է, հիմա ես նրան ի՞նչ ասեմ: Հմայակը անցել է ՀՀԿ-ի ցուցակով, Գեղամյանի ցուցակով, ԲՀԿ-ով էլ անցել է, բայց չի անցել, ես ինչ լուսաբանեմ նրան, որն այդքան ցուցակների միջով է անցել: Անցողիկ տեղում է եղել, բայց այդպես էլ չի անցել …Ես չեմ մեկնաբանում նրան»:
Արամ Հարությունյանը նաեւ նշեց, որ կրկին այցելելու է Անդրեաս Ղուկասյանին՝ միայն այն ժամանակ, որ շատ մարդ չլինի, քանի որ ինքն իր այցերը չի նկարում ցույց տալու համար:
Կարդացեք նաև
Եվա ՀԱԿՈԲՅԱՆ
