«Համապետական ընտրությունների ժամանակ խաղացողները երկուսն են՝ թեկնածուները եւ ընտրողները: Թեկնածուները փորձում են ընտրազանգվածը վերածել ենթագիտակցական նորմերով գործող ամբոխի, մարդիկ էլ կգնան այն թեկնածուի ետեւից, ով կազդի նրանց ենթագիտակցության վրա»,-այսօր «Հայացք» ակումբում ասաց Հայկական հոգեբուժական ասոցիացիայի նախագահ, համաշխարհային հոգեբուժական ասոցիացիայի պատվավոր անդամ Արմեն Սողոյանը:
Նրա խոսքով. «Իրական կյանքն ու ենթագիտակցականը միմյանց հետ չառնչվող գործոններ են, հետեւաբար, ընտրողի խնդիրն է՝ կատարել գիտակցված ընտրություն, հասկանալ, թե ում է ընտրում եւ ինչի համար: Անհրաժեշտ է նաեւ հասկանալ, որ ընտությունը չի սկսվում եւ ավարտվում քաղաքական գործընթացով: Բացի այդ, չի կարող լինել այնպիսի թեկնածու, որը կախարդական փայտիկով կբարելավեր մարդկանց կյանքը: Կյանքը բարելավվում է այն դեպքում, երբ մարդիկ պայքարում են իրենց իրավունքների համար եւ թեկնածուից պահանջում նրա խոստացածը»:
Հոգեբանի համոզմամբ՝ ընտրությունները պետք է դիտել որպես քաղաքական կյանքում ժողովրդի դերը ֆիքսող գործոն. «Քաղաքացին քվեարկության ժամանակ պետք է հետամուտ լինի իր պահանջմունքներին, որպեսզի չապրի հետընտրական սթրես: Յուրաքանչյուր քաղաքացու խնդիրն է՝ հասկանալ, որ իր փոխարեն իրեն կարող են միայն խաբել»:
Խոսելով ընտրապայքարում արձանագրված հացադուլից՝ Սողոյանն ասաց, որ այն ավելի ազդեցիկ է, քան տարբեր տեսակ «խելոք բաներ» ասելը. «Կարող ենք ենթադրել, որ «հացադուլ» եւ «զոհ» հասկացությունները նույնացվում են: Այդ դեպքում խաղարկվում է զոհի կերպարը»:
Կարդացեք նաև
Լուիզա ՍՈՒՔԻԱՍՅԱՆ
Չի կարելի հոգեբան և հոգեբուժ մասնագիտությունները նույնացնել հարգելի լրագրող: