ՀՀԿ խոսնակ Էդուարդ Շարմազանովը հայտարարել էր, որ ՀՀԿ թեկնածու Սերժ Սարգսյանը ֆավորիտ է, եւ որ մնացած թեկնածուները նախագահական ընտրություններում պայքարելու են երկրորդ տեղի համար:
Պարզվում է՝ Շարմազանովի հայտարարությունը դուր չէր եկել էպոսագետ թեկնածու Վարդան Սեդրակյանին, որն էլ galatv-ին ասել է, երբ ինքը հաղթի ընտրություններում, ապա խոստանում է, որ առաջիններից մեկը, ով Սասնա ծռեր էպոսը բռնած գնալու է իրենց տուն, դա հենց Էդուարդ Շարմազանովն է լինելու:
Գնալո՞ւ է արդյոք Շարմազանովը էպոսագետի տուն, թե՞ ոչ՝ Aravot.am-ը պարզեց նրանից. «Ես արդեն հերթ եմ կանգնել, որ հենց էպոսագետը հաղթի, վազելով գնամ: Պարզապես հերթն այնքան մեծ է, կարող է ինձ չհասնի»:
Եվա ՀԱԿՈԲՅԱՆ
