Հունվարի 19-ին «Ազատություն» ռադիոկայանին Սերժ Սարգսյանի հարցազրույցը քաղաքական վերլուծաբաններից ոմանք որակում են որպես «ոչինչ չասող եւ Հայաստանի մասին իրական պատկերացումներ չունեցող նախագահի հարցազրույց»:
«Ես մի փոքր տարակուսած եմ, որ ըստ էության շատ խուսափողական պատասխաններ էին տրվում»,- «Մեդիալաբին» ասում է քաղաքագետ, «Ժառանգություն» կուսակցության անդամ Ստեփան Սաֆարյանը:
Նա նշում է, որ եթե իշխանության առջեւ դրված չի խնդիր մրցակիցներ աճեցնելու, ինչպես որ նշել է Սարգսյանը, ապա խնդիր չկա նաեւ մրցակիցներ ոչնչացնելու:
«Բայց պետք է մրցակցության հավասար պայմաններ թողնեն: Ոչ մեկ չի ակնկալում, որ իշխանությունը մրցակիցներ աճեցնի եւ ոչ մեկ ջերմոցային պայմաններում աճեցման կարիքը չունի, բայց դրան հակառակ պետք չէ մրցակիցներ ոչնչացնել»,-ասում է Սաֆարյանը:
Կարդացեք նաև
Քաղաքական եւ ընտրական տեխնոլոգիաների փորձագետ Արմեն Բադալյանը նույնպես կարծում է, որ ՀՀ իշխանությունը պարտավոր էր ստեղծել այնպիսի պայմաններ, որ մրցակիցներ լինեին, «ինչը եւ պահանջում էր Արեւմուտքը»:
«Իհարկե իշխանությունը պարտավոր չէ մրցակիցներ աճեցնել, բայց նա պարտավոր էր պայմաններ ստեղծել ու մրցակիցներ կլինեին: Հասարակությանը չես կարող խաբել, քանի որ այն շատ լավ հասկանում է, որ իրականում չկա մրցակցություն: Նույնը հասկանում է եւ Արեւմուտքը, եւ միջազգային կառույցները դեղին քարտ ցույց տվեցին ՀՀ իշխանություններին, որ չկան մրցակցային ընտրություններ»,-«Մեդիալաբին» ասում է Բադալյանը:
Նա մատնանշում է, որ նախագահ Սարգսյանի պատկերացումները Հայաստանի մասին ոչ ադեկվատ են եւ նա չի տիրապետում իրականությանը:
Մանրամասն՝ կարդացեք այստեղ
սս-ի գավառային, քարանձավային հնարքները չունեն սահմաններ: Հիմա էլ կույր
երգահան է ծննդաբերել, որպես ժողովրդի խղճի վրա ազդելու ազդակ:
Երբեք չեմ մտածել որ, իմ ազգը այսքան հոգեպես կայլափոխվի, որ կգնա նմանի
ետևից: Աստված իմ աստված օգնիր իմ ժողովրդին չարից ու մոլորությունից: