«Տիգրան Մուկուչյանը վերացնում է նախագահի ինստիտուտը»,- այսօր «Ելակետ» ակումբում ԿԸՀ նախագահից էլի բողոքեց նախագահի նախկին թեկնածու Ռոբերտ Սիմոնյանը:
«Պահանջում եմ՝ Սահմանադրությամբ ամրագրված բոլոր նորմերի կիրառումը, որեւէ նորմի վերացումը քրեական պատասխանատվություն է ենթադրում: Սահմանադրության 1-ին հոդվածից մինչեւ 6-րդ հոդվածները իմ նկատմամբ խախտված են: Գումարային հարցեր, մասնագիտության հարց չկա Սահմանադրության այդ հոդվածներում: Ի՞նչ 8 միլիոն դրամ գրավ են պահանջում, թեկնածուներից գումար են շորթում»:
Նա ասաց, որ իր նկատմամբ արձանագրած բոլոր խախտումների վերաբերյալ իր բողոք-դիմումները գլխավոր դատախազությունում, հատուկ քննչական եւ Ազգային անվտանգության ծառայություններում են:
Նա դիմել է նաեւ Երեւանում միջազգային կառույցներին՝ ԵԱՀԿ գրասենյակ, ԵԱՀԿ ԺՀՄԻԳ պատվիրակությանը եւ ԵԽ:
Կարդացեք նաև
«Երեկ գնացել էի ԵՄ դեսպանին հանդիպելու, բայց այնտեղի հաստավզերը թույլ չտվեցին հանդիպում ունենալ: Եվրոպական կոնվենցիաների 8 հոդված է խախտված իմ նկատմամբ, եթե ներպետական կառույցները դա նորմալ են համարում, ապա գործակալներ են: Այս ընտրությունները օրինական չեն կարող համարվել, ԵԽ դեսպանին էլ ասացի, նա համաձայնեց»:
Արփինե ՍԻՄՈՆՅԱՆ
