Այսօր Ավան վարչական համայնքում առաջին նախընտրական հանդիպման ժամանակ նախագահի թեկնածու, գործող նախագահ Սերժ Սարգսյանը պատասխանեց Հայաստանի դեմոգրաֆիական վիճակին եւ դրանով պայմանավորված խնդիրներին վերաբերվող հարցին: Նա անդրադարձավ ներդրվող կուտակային կենսաթոշակային համակարգին, որը, իշխանությունների կարծիքով, լուծումներ է առաջարկելու տվյալ խնդիրներին: Հիշեցնենք, որ այդ օրենքին` ընդունված տեսքով, խորհրդարանական քննարկումների ժամանակ դեմ արտահայտվեցին ընդդիմադիր ՀՅԴ-ի եւ ՀԱԿ-ի ներկայացուցիչները: ՀԱԿ պատգամավոր Նիկոլ Փաշինյանն էլ, մասնավորաբար, հայտարարեց, թե Սերժ Սարգսյանի եղբոր` Սաշիկ Սարգսյանի համար են ծառայելու այդ գումարները, քանի որ նախագծում հստակ ամրագրումներ չկային դրանց հետագա ճակատագրի վերաբերյալ:
Սերժ Սարգսյանի դիտարկումները` կուտակային կենսաթոշակային համակարգի վերաբերյալ` տեսանյութում:
Նելլի ԳՐԻԳՈՐՅԱՆ
Կարդացեք նաև
Հարգելի հայրենակիցներ: Թոշակների կուտակման ֆոնդը, դա ֆոնդ է՝ միայն և
միայն ավազակախմբի հետագա թալանի համար,երբ գահից գցեն, այն ժամանակ
կդադարի այդ ֆոնդը գոյություն ունենալ: Մերձ բալթյան երկրներում նման ֆոնդ
ստեղծվել է հինգ տարի առաջ, կամավոր հիմունքներով և գոյատևել 2-3 տարի: Հետո
իմանալով նրա հանցագործ մտադրությունների մասին այն լուծարվեց: Միակ
նման ֆոնդ երկար գոյատևել է Ավստրյաում անցած դարի սկզբից մինչև 90 ական
թվականները, որը նույնպես լրիվ չի կատարել իր պարտավորությունները: Ցավոք՝
վերլուծականի հոդվածը ձեռքի տակ չունեմ, որ ներկայացնեմ անցած և այս դարի
խոշոր ֆինանսական ավանտյուրյաներից մեկի մասին մանրամասն: