Հունվարի 21-ին, ժամը 0945-ին Վանաձորում «Պրոմեթեյ քիմպրոմ» ՓԲ ընկերության տարածքում ամոնիակի արտադրամասում փորձարկման ժամանակ տեղի է ունեցել պայթյուն, ինչի հետևանքով զոհվել է մեկ աշխատակից:
ՀՀ առողջապահության նախարարության պետական հիգիենիկ և հակահամաճարակային տեսչության մասնագետների կողմից համայցներ են կատարվել «Պրոմեթեյ քիմպրոմ» ՓԲ ընկերության հարակից բնակելի տարածքի մանկական և նախադպրոցական հիմնարկներում` հարցման միջոցով, բնակիչների կամ երեխաների առողջական վիճակի վատթարացման հնարավոր դեպքերը հայտնաբերելու նպատակով:
Ժամը 1800-ի դրությամբ դեպքեր չեն արձանագրվել: Դիտարկվում է նաև պոլիկլինիկաներին և շտապ օգնությանը դիմողների թիվը: ՀՀ ԱՆ ՊՀՀ տեսչության մասնագետների կողմից հարակից բնակեցման տարածքներում և փակ շինություններում իրականացվում են օդի նմուշառումներ սանիտարաքիմիական լաբորատոր հետազոտություններ կատարելու նպատակով: Հարակից բնակելի տարածքներում նորմերի գերազանցում չի հայտնաբերվել: Բնակչության առողջական վիճակի մոնիթորինգը և սանիտարաքիմիական լաբորատոր հետազոտությունները շարունակվում են:
ՀՀ ԱՆ ՊՀՀ տեսչությունը համագործակցում է ՀՀ արտակարգ իրավիճակների նախարարության տարածքային մարմինների հետ:
Կարդացեք նաև
ՀՀ առողջապահության նախարարության մամուլի հաղորդագրություն
Տեսանյութը «Ա1+»-ի
