«Արմատ» ակումբում հանդիպելով լրագրողների հետ, այսօր էպոսագետ, նախագահի թեկնածու Վարդան Սեդրակյանը, կրկին անդրադառնալով Սերժ Սարգսյանի անվանը, ասաց. «Բոլորը շատ ծանր էին տանում, որ ես նրան անվանեցի Սերժիկ Սարգսյան, ճիշտ է՝ նա ոչինչ չպատասխանեց, բայց փոխարենը Հ1-ը մեծ պլանով ցույց տվեց անձնագիրը, որտեղ գրված էր Սերժ Սարգսյան: Ութ թեկնածուներից միայն նա արժանացավ այդ բախտին: Բայց խորհուրդ կտամ նրան, հաջորդ անգամ էլ ցույց տալ իր советский паспорт-ը»:
Սեդրակյանը խոսելով ընտրողների թվից՝ ասաց, որ Հայաստանում այժմ 2 մլն մարդ չկա , բայց Սերժ Սարգսյանը իր քաղաքական, նախագահական կյանքը երկարաձգելու նպատակով արդեն 2 մլն 500 հազար մարդկանց ցուցակ է ներկայացրել.«Դե բնական է, եթե մի երկրում մահացածները տարիներ շարունակ թոշակ ստանան, պարզ է, որ պետք է գնան նաեւ քվեարկելու: 2008 թվից արտագաղթ է, պաշտոնապես դա գրանցում են, բայց ընտրողների թիվը գնալով ավելանում է, եթե այս թվերը մեկ այլ թեկնածու ներկայացներ, հոգեկան հիվանդի տեղ կդնեին»:
Եվա ՀԱԿՈԲՅԱՆ
Կարդացեք նաև
