Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գագիկ Պողոսյանը մերժեց ՀՀ քաղաքագետների միության նախագահ Հմայակ Հովհաննիսյանի դեմ հարուցված քրեական գործով նրա պաշտպան Կարեն Ղազարյանի ինքնաբացարկի միջորդությունը:
Դատարանը ճշտեց ամբաստանյալի կարգավիճակում հայտնված քաղաքագետի ինքնությունը: Ստուգման պահին պարզվեց, որ նա դատարան է ներկայացել առանց բարձրագույն կրթության մասին փաստող դիպլոմի եւ անձնագրի կրկնօրինակով: Դատարանը պահանջեց, որպեսզի հաջորդ դատական նիստին ամբաստանյալը ներկայանա անձնագրով, դիպլոմով, ինչպես նաեւ մոր իր խնամքի տակ գտնվելու մասին փաստաթղթով: Հատկապես, վերջինը զարմացրեց դատարանների մասին տեսական հեռակա գիտելիքներ ունեցող քաղաքագետին:
Հմայակ Հովհաննիսյանը դատավորի «ավելացնելու բան չունե՞ք» հարցադրման կապակցությամբ ասաց, որ իր գործունեությունը հայտնի է բոլորին եւ ոչինչ չունի ավելացնելու:
Հմայակ Հովհաննիսյանի պաշտպան Կարն Ղազարյանը բացարկ հայտնեց Կենտրոն եւ Նորք-Մարաշ վարչական շրջանների դատախազ Հ. Էյամջյանին:
Կարդացեք նաև
Նա ասաց, որ մեղադրանքը պաշտպանող դատախազը դատախազական պատշաճ հսկողություն չի սահմանել քրեական գործի նախաքննության փուլում եւ բերեց օրինակներ:
Դատավորը ընդհատեց պաշտպանին, ակնարկելով, թե պաշտպանը խոսում է դեռ չհետազոտված ապացույցների մասին, բայց պաշտպանն ասաց, որ քանի որ չի կարող հղումներ անել միայն օրենքին, օրինակներն անհրաժեշտ են, հետեւաբար, շարունակեց իր միջնորդությունը:
Այդ միջնորդությունը դատավորի կողմից դիտվեց պաշտպանական ճառ:Սակայն «պաշտպանական ճառը» չավարտվեց, խափանվեց դատական նիստերի դահլիճից սնուցվող պաշտպանի համակարգիչը:
Պաշտպանը 10 րոպե ժամանակ խնդրեց, սակայն դատավորը հետաձգեց նիստը, քանի որ ժամը 12-ին նշանակվել էր մեկ այլ դատական նիստ:
Այն տեղի կունենա փետրվարի 11-ին:
Ռուզան ՄԻՆԱՍՅԱՆ
