«Դատական գործընթացը վերածվեց իրավական ֆարսի, սա մոռելանդ սպանությունների հերթական մասն էր»,-այսօր Հրանտ Դինքի սպանության 6-րդ տարելիցի հետ կապված նշեց ԵՊՀ արեւելագիտության ֆակուլտետի փոխդեկան, թուրքագետ Ռուբեն Մելքոնյանը:
Նրա համոզմամբ կարեւոր վկաներ, ովքեր պետական պաշտոնյաներ են չընդգրկվեցին գործում եւ այն անհաջողության մատնվեց: Թուրքական իշխանությունները բազմիցս հայտարարեցին, որ իրենք ամեն ինչ անելու են գործի լիակատար բացահայտման համար. «Պաշտոնյաները քաջալերվեցին պետության կողմից եւ զբաղեցնում են ավելի բարձր պաշտոններ, նրանց հայտարարությունները գրվեցին սառույցին, մնացին սոսկ խոսքեր: Իշխող կուսակցությունը փորձեց Դինքի սպանությունը օգտագործել ներքին քաղաքական գործերի համար, սպանության իրական կազմակերպիչները առ այսօր վայելում են իրենց պաշտոնները:
Թուրքագետի պնդմամբ թուրքական հասարակության մի փոքր շրջանում որոշակի բեկում տեղի ունեցավ սպանությունից հետո.
«Դինքը գիտակցված մահապարտ էր, նա թուրքական հասարակության մեջ առաջացրեց մի փոքր ճեղքվածք, որը պետք էր: Թուրքիա պետությունը հայատյաց պետություն է՝ նրա բռնապետություն լինելու վերաբերյալ բազմաթիվ նյութեր ու հոդվածներ կան, որոնք մերկացնում են թուրքերին»:
Կարդացեք նաև
Անժելա ՇԱՀՈՒՄՅԱՆ
