«Հայաստանի Հանրապետությունը Վրաստանի համար կաեւոր երկիր է, սակայն ազգային փոքրամասնությունների հետ կապված ոչ մի որոշում չունեն դեռ»,-այսօր լրագրողների հետ հանդիպման ժամանակ նշեց Վրաստանի հարցերով փորձագետ Ջոն Մելիքյանը:
Նրա պնդմամբ հայ-վրացական սահմանի հետ կապված խնդիրներ կան, սակայն բարդ չեն. «Դրական եմ գնահատում Վրաստանի վարչապետ Բիձինա Իվանիշվիլիի այցը Հայաստան: Այցը առաջին անգամն էր եւ ճանաչողական: Առաջին այցով ոչ մի խնդիր չի լուծվում, կարեւորը տնտեսական հարաբերություններն էին, սպասել ավելին պետք չէր: Փետրվար ամսում ՀՀ արտգործնախարար Էդվարդ Նալբանդյանը կայցելի Վրաստան եւ այդ այցից հետո նոր կարելի է սպասել ռեալ փոփոխությունների եւ քայլերի»:
Փորձագետը նշեց, որ վրաց-ադրբեջանական սահմանը 480 կմ է, 300 կմ հետ կապված հարցերը լուծված են, սակայն ադրբեջանական սահմանաaպահները չեն թույլատրել վրացիներին սահմանն անցնել դեպի իրենց տարածքները: Այդ ժամանակ բարձրացավ լուրջ խնդիր, լուրջ հարց, որը կարծես թե դեռ լուծման ուղիներ չի գտել.
«Կախի տարածքը պատմական շրջան է, այնտեղ ապրում են վրացիներ, ովքեր իրենց ճնշված են զգում, նույնիսկ եկեղեցի այցելում են տարին մեկ անգամ: Հարաբերությունները կարծես թե սրված են, առաջիկայում մենք կտեսնենք թե ինչ լուծման ուղիներ կգտնվեն»:
Անժելա ՇԱՀՈՒՄՅԱՆ
