34 տարեկան հասակում մահացել է աշխարհի ամենախոշոր կինը՝ Տանյա Անգուսը, այս մասին հայտնել է Fedpost-ը, աղջիկը տառապում էր ակրոմեգալի հիվանդությամբ: Մինչև իր կյանքի վերջին րոպեն Լաս Վեգասի բնակչուհին հույս է ունեցել բուժվել իր արատից: 21 տարեկանից սկսած՝ Տանյան նկատել է, որ իր ձեռքերը երկարում են, իսկ հագուստը փոքրանում է: «Նա սովորական աղջիկ էր՝ 171 սմ հասակով, 59 կգ քաշով, երբ հանկարծ 22 տարեկանին մոտ աճեց 8սմ-ով: Ոչ ոք չէր կարողանում հասկանալ՝ ի՞նչ է նրա հետ կատարվում»,- հիշում է աղջկա մայրը՝ Քարենը:
33 տարեկանում Տանյայի հասակը հասել է 2.13 մ-ի, իսկ քաշը՝ 181 կգ-ի: Բժիշկները աճի հորմոնը կարգավորող դեղահաբեր են նշանակել: Ամեն ինչ աստիճանաբար փոխվում էր դեպի դրականը, աղջիկը բուժման ճանապարհին էր, սակայն 34 տարեկան հասակում նա հիվանդանում է մրսածությամբ, ինչին էլ չի դիմանում սիրտը: 2013 թ. հունվարի 14-ին Տանյա Անգուսը մահանում է:
