Պաշտպանության նախարար Սեյրան Օհանյանը, այսօր լրագրողների հետ հանդիպման ժամանակ, անդրադառնալով զինված ուժերի համար քարածուխի ներկրման գործով հարուցված քրեական գործին, ասաց, որ իրենց համակարգից այդ գործում մեղավորներ չկան:
Հիշեցնենք, որ ըստ մամուլի տեղեկությունների, քարածուխի գործով լուրջ չարաշահումներ էին բացահայտվել, ու ներկրման գործը կապվում էր գեներալ Արշալույս Փայտյանի հարազատների անվան հետ:
Հարցին, կա՞ն ձերբակալվածներ, պարոն Օհանյանն ասաց. «Ես այդպիսի տեղեկություններ չունեմ, որ Արշալույս Փայտյանի հետ է կապված: Քրեական գործ է հարուցված, եւ մեր իրավապահ մարմինները այդ ուղղությամբ աշխատանքներ են տանում: Միասին հայտնաբերել ենք ու համապատասխան նյութերը տվել ենք քննչական մարմնին, դատախազությանը: Նրանք աշխատում են, կարծում եմ՝ մինչեւ վերջ կհասցնեն աշխատանքը: Մեր համակարգից այնտեղ մեղավորներ չկան, պայմանագիր կնքել ենք, կնքման շրջանակներում կապալառու ընկերությունը, որը պետք է ներկրեր, չի ներկրել, մենք էլ ֆիքսել ենք»:
Կարդացեք նաև
Արփինե ՍԻՄՈՆՅԱՆ
