Վերջերս համացանցում հայտնվեց մի ձայնագրություն, արված դեռ 2008-ին, որտեղ Երեւանի պետական համալսարանի պատմության ֆակուլտետի արդեն իսկ «հռչակավոր» դեկան Էդիկ Մինասյանը սպառնում է ուսանողներին, թե հանրահավաքներին մասնակցողները կհեռացվեն բուհից։
Երեկ կառավարության շենքի նախասրահում փորձեցինք այս առնչությամբ մեկնաբանություն ստանալ ՀՀ կրթության եւ գիտության նախարար Արմեն Աշոտյանից։ Թե ինչ ստացվեց դրանից, դատեք ինքներդ։
– Պարոն Աշոտյան, Էդիկ Մինասյանի վերջին…
– Չեմ մեկնաբանում Մարտի 1-ի դեպքի հետ կապված դասագրքում
Կարդացեք նաև
տեղ գտած…
– Ոչ, ոչ, խոսքը հանրահավաքներին մասնակցելը արգելելու մասին է։
– Ես չեմ մեկնաբանում Էդիկ Մինասյանին եւ Էդիկ Մինասյանի հետ
կապված…
– Բայց նա ԵՊՀ պատմության ֆակուլտետի դեկանն է:
– Դիմեք Երեւանի պետական համալսարան, որը ունի ամբողջական
ազատություն, որոշելու իր կադրային խնդիրները։
– Իսկ դուք, որպես քաղաքացի…
– Հանգիստ թողեք Էդիկ Մինասյանին։ Կարծում եմ, պետք է հետեւողականորեն զբաղվել այն մարդկանց…
– Իսկ եթե դեկանը Սահմանադրություն է խախտում։
– Թույլ կտա՞ս ավարտեմ։
– Խնդրեմ։
– Պետք է զբաղվել, հետեւողականորեն զբաղվել այն քաղաքական
գործիչների եւ մարդկանց պատասխանատվությամբ, բարոյական պատասխանատվությամբ, որոնք պատրաստ են Մարտի մեկի դեպքերը
դնել քաղաքական բանակցությունների եւ սակարկումների զոհասեղանին։ Ավարտվեց։ Հայտնի գաղտնալսման, հայտնի ձայնագրության…
– Խոսքը այդ ձայնագրության մասին չէ…
– Ես ասեցի արդեն…
Ասաց արդեն Աշոտյանն ու գնաց։
Հ. Գ.
«Հայկական ժամանակ»
