Դատավորը մերժել է միջնորդությունը՝ ասելով, որ դատավճռի կայացման ժամանակ Ալյոխինայի որդու տարիքը հաշվի է առնվել
Ռուսաստանում դատարանը մերժել է «Փուսի Ռայըթ» մասնակիցներից մեկի կողմից ներկայացված միջնորդությունը, որտեղ վերջին խնդրում էր ազատ արձակել իրեն:
Մարիա Ալյոխինան չորեքշաբթի օրը դատարան դիմում է ներկայացրել իր երկու տարվա բանտարկության պատժաչափի ի կատար ածումը հետաձգելու մասին այնքան ժամանակով, մինչև չլրանա վերջինիս որդու 14 տարեկանը:
Դատավորը սակայն մերժել է Ալյոխինայի միջնորդությունը՝ ասելով, որ դատավճռի կայացման ժամանակ նրա որդու տարիքը հաշվի է առնվել:
Կարդացեք նաև
Ալյոխինան և «Փուսի Ռայըթ» փանք-խմբի երկու այլ մասնակից ազատազրկման են դատապարվել անցյալ տարի՝ կրոնական հողի վրա կատարված խուլիգանական գործողությունների մեջ մեղավոր ճանաչվելուց հետո: Երեք կանայք ձերբակալվել էին Ռուսաստանի մայրաքաղաք Մոսկվայում գտնվող Քրիստոս Ամենափրկչի տաճարի խորանի վրա Ռուսաստանի նախագահ Վլադիմիր Պուտինին քննադատող բողոքով-ներկայացումով հանդես գալուց հետո:
Արմեն Հովհաննիսյան
«Ամերիկայի Ձայն»
