Այսօր Շիրակի մարզի ընդհանուր իրավասության դատարանում շարունակվել է Թուրքիայի Տրապիզոն քաղաքում 31-ամյա գյումրեցի մատուցողուհի Հրանուշին թրաֆիքինգի զոհ դարձնելու մեջ մեղադրվող մարնավաճառուհի Նարինեի և Դոկտոր մականունով 60-ամյա Սուսաննայի դատավարությունը: Կավատների փաստաբանները պահանջել են դադարեցնել իրենց պաշտպանյալների նկատմամբ քրեական հետապնդումները բավարար ապացույցներ չլինելու պատճառով և ազատ արձակել նրանց, քանի որ զոհ ձևացող Հրանուշը, եթե ցանկություն ունենար, ապա Թուրքայից անմիջապես կվերադառանար:Սակայն, վերջինս, ըստ փաստաբանների, մնացել է Տրապիզոնում քաղաքում փող աշխատելու նպատակով:
Դատավարության ընթացքում Դոկտոր մականունով տիկինը վատացել է, շտապօգնություն են կանչել դատարան, բժիշկը խորհուրդ է տվել հետաձգել դատը, քանի որ Դոկտորի առողջական վիճակը նորմալ չի եղել: Դատը հետաձգվել է մինչև ամսի 30-ը: Հիշեցնենք, որ 60-ամյա Սուսաննան վաղուց Երևանից տեղափոխվել ու հաստատվել էր Թուրքիայի Տրապիզոն քաղաքում: Նա, լինելով բուժքույր, մարմնավաճառներին ոչ միայն դեղեր է ներակերել ու զերծ է պահել սեռավարակումից,այլև կախվածության մեջ է գցել նրանց` նիսյայով ու թանկ գներով հագուստներ վաճառելով ու դրա դիմաց մարմնավաճառության մղելով:
Նունե ԱՐԵՎՇԱՏՅԱՆ
