«Ժառանգություն» կուսակցության գլխավոր քարտուղար Ստյոպա Սաֆարյանն այսօր ասուլիսի ժամանակ «Ազգային համաձայնության» ղեկավար Արամ Հարությունյանին մեղադրեց ՀՀ 2-րդ նախագահ Ռոբերտ Քոչարյանի պատվերով առաջադրվելու մեջ: Նա, ըստ պարոն Սաֆարյանի, մեծ դերակատարում է ունեցել Ռոբերտ Քոչարյանի նախագահության ժամանակ:
«Այս ընտրություններում էլ, որովհետեւ Ռոբերտ Քոչարյանը միգուցե զրկված է ավելի ազդեցիկ խաղալու հնարավորությունից, մնացել է Արամ Հարությունյանների հույսին»,- ասաց պարոն Սաֆարյանը:
Ա. Հարությունյանի առաջադրվելուն անդրադառնալով՝ պարոն Սաֆարյանը նաեւ ասաց, որ անլուրջ է համարում, երբ 5 տարին մեկ են քաղաքականությամբ զբաղվում.
«5 տարի չզբաղվես քաղաքականությամբ, հետո գաս ու նախագահական ընտրություններին որոշես, որ հարմար նախագահացու ես, ծիծաղելի է: Կամ այդ մարդկանց պետք է դնես աննորմալի տեղ, բայց այդ կարծիքին չեմ, որովհետեւ նրանք բոլորը հրաշալի հասկանում են իրենց վարքաբանության բոլոր պահերը: Նրանք կատարում են գործառույթ եւ այս պարագայում կատարում են հատուկ ֆունկցիա: Բոլորը գիտեն, ո՞վ է տվել այդ 8 միլիոնը, նրանք պատվեր են կատարում ու շպարգալկա են վերցրել ու ընդդեմ Րաֆֆի Հովհաննիսյանի են խոսում»:
Կարդացեք նաև
Արփինե ՍԻՄՈՆՅԱՆ
