Այսօրվանից համացանցվող ՀՖՖ նոր կայքի դեռեւս թեստային տարբերակը տեղեկացնում է, որ 2014 թ. աշխարհի առաջնության ընտրական փուլում մարտի 26-ին Չեխիայի հետ հանդիպմանը նախապատրաստվող ֆուտբոլի Հայաստանի ազգային հավաքականը փետրվարի 5-ին ընկերական խաղ է անցկացնելու Լյուքսեմբուրգի ընտրանու հետ: Հանդիպումը կայանալու է Ֆրանսիայում` Վալանս քաղաքի «Ժորժ Պոմպիդու» մարզադաշտում:
Կայքը տեղեկացնում է նաեւ, որ նախատեսվում է եւս մի ընկերական խաղ, որի կազմակերպման նպատակով հավանական մրցակիցների հետ բանակցություններ են վարվում:
Աշոտ ՀԱԿՈԲՅԱՆ
