Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գագիկ Պողոսյանն այսօր վատառողջ էր, եւ այդ պատճառով հետաձգվեց «Դարմ» ՍՊ ընկերության տնօրեն Մարատ Օգանեզովի դեմ հարուցված քրեական գործով նշանակված դատական նիստը:
Հիշեցնենք, որ Մարատ Օգանեզովը զբաղվել է ֆուրշետների կազմակերպմամբ: Նրա «Դարմ» ՍՊ ընկերությունը գրանցված է եղել հարկային մարմիններում:
Օգանեզովը, ըստ իրեն առաջադրված մեղադրանքի, խուսափել է կատարել հարկային պարտավորությունները, կանխամտաածված ստեղծել է անվճարունակության հատկանիշներ, եւ պետությանը պատճառել է 12.182.000 ՀՀ դրամի վնաս:
Մ.Օգանեզովի նկատմամբ ընտրվել է ստորագրություն չբացակայելու մասին խափանման միջոցը:
Կարդացեք նաև
Մեղադրող Ջոն Ֆարխոյանը դատական վիճաբանությունների փուլում հանդես է եկել մեղադրական ճառով, եւ պահանջել է 3 տարվա ազատազրկում:
Հաջորդ դատական նիստին սպասվում է, որ ճառով հանդես կգա Մ.Օգանեզովի պաշտպան, ՀՀ փաստաբանների պալատի անդամ Լիաննա Գրիգորյանը:
Ռուզան ՄԻՆԱՍՅԱՆ
