Արդարադատության նախարարության «Վանաձոր» քրեակատարողական հիմնարկի կալանավոր Շալիկո Մանուչարյանը հունվարի 14-ից ոչ միայն հացադուլ է հայտարարել, այլ կարել է իր բերանը:
ԱՆ քրեակատարողական հիմնարկների մամուլի պատասխանատու Գոռ Ղլեչյանը հաստատեց այս լուրը, եւ նաեւ տեղեկացրեց, որ հացադուլավորը առանձնացվել է եւ գտնվում է հսկողության տակ:
Ի դեպ, կալանավորն այս ծայրահեղ քայլին է դիմել, բողոքելով իր դեմ հարուցված քրեական գործով նախաքննություն իրականացնող մարմնի գործողությունները:
Կալանավորը նախնական տեղեկատվության համաձայն մեղադրվում է հրազենի գործադրմամբ խուլիգանություն կատարելու համար.կրակել է ընթացող մեքենայի վրա: Սակայն հացադուլավորը ասում է, թե նա այդ ժամանակ հանրապետությունում չի գտնվել:
Կարդացեք նաև
Այդ գործով վկաներից մեկը Վանաձորի գերեզմանափորն է:
Շ.Մանուչարյանի հարազատները մտադիր են փակել ճանապարհները, ՀՀ նախագահի նստավայրի մոտ բողոքի զանգվածային ցույցեր կազմակերպել:
