«Առավոտ»-ի հետ զրույցում վաշինգտոնաբնակ միջազգայնագետ Արմեն Խարազյանն , անդրադառնալով հարցին, թե նախագահական ընտրություններում Սերժ Սարգսյանի վերընտրությունը ի՞նչ կարող է տալ Հայաստանի հասարակությանը` նկատեց. «Նոր սկզբունքներ, արժեքներ, գերակայություններ կամ գործելաոճ չեմ ակնկալում, նույնիսկ եթե փողհարվում են դրանք, քանի որ այս նախագահի կարողություններին, նախընտրություններին, աշխարհայացքին ու շրջապատին հանրությունը քաջատեղյակ է՝ ոչ թե հինգ, այլ քսանհինգ տարվա փորձից, ուստի անակնկալներն անհավանական են»։
Գալով ՀՀ իշխանությունների նկատմամբ Արեւմուտքի վերաբերմունքին եւ գործող նախագահ Սերժ Սարգսյանից միջազգային հանրության ակնկալիքներից նախ պարզաբանեց, որ Արեւմուտքում Ադրբեջանի ղեկավարության վարկանիշը այսօր խիստ ցածր է․ «Բացահայտ տհաճությամբ է նկատվում այդ երկրի՝ սեփական կարեւորությունն ուռճացնող, հավակնոտ միջազգային կեցվածքը, եւ շատերի մոտ Ադրբեջանի հետ աշխատելու նախկին ոգեւորությունն այլեւս չկա։ Փոխարենն այն կարծիքը կա, որ Ադրբեջանն իր քարտերը գերագնահատում է»։
Մեր զրուցակիցը նկատեց նաեւ, որ մյուս կողմից, Վրաստանի վարկանիշն էլ այժմ տատանումներ է ապրում՝ շնորհիվ այդ երկրի նոր ղեկավարության էնիգմատիկ ծագման ու քայլերի։ «Հայաստանն այս առումով առավել շահեկան վիճակում է հայտնվել, թերեւս իրենից անկախ։ Հայաստանի ղեկավարությունը թեեւ ավելի նվազ նախաձեռնող դիրքորոշում ունի շատ հարցերում, սակայն ավելի ոչ-իմպուլսիվ է, կանխատեսելի, հետեւաբար՝ վստահելի», կարծիք հայտնեց Արմեն Խարազյանը։
Կարդացեք նաև
Էմմա Գաբրիելյան
Հարցազրույցն ամբողջությամբ կարող եք կարդալ վաղվա տպագիր «Առավոտ»-ում:
