Տավուշի մարզպետարանի շենքի հարեւանությամբ,Իջեւանի քաղաքային զբոսայգում, խորհրդային տարիներին անցկացված քանդակի միջազգային սիմպոզիումի քանդակներից մեկը գլխատվել է: Քանդակների այգում բարբարոսության նախորդ դեպքի մասին «Առավոտը» հայտնել է 2012թ.մարտի 1-ին(«Գարունն Իջեւանում վանդալիզմով եկավ»): Իջեւանի ավագանու անդամ, Իջեւանի կոմունալ ձեռնարկության նախկին տնօրեն Սամվել Չիբուխչյանը հայտնեց, որ զբոսայգին 2 պահակ ունի, սակայն նրանք աշխատում են մինչեւ ժամը 18-ը: Իջեւանի քաղաքապետարանի աշխատակազմի ղեկավար Բորիս Թանանյանն ասաց, որ իրենք նախկին գրություն են ուղարկել ոստիկանությանը, որպեսզի ոստիկանության պարեկային խմբերի գիշերային հերթապահության տարածքում ընդգրկվի նաեւ քաղաքային զբոսայգին: Իջեւանի քաղաքապետ Վարդան Ղալումյանն ասաց, որ իրենք դեռ չեն պարզել՝ քանդակը նո՞ր, թե՞ շուտ է վնասվել; Քաղաքապետի խոսքերով՝ քաղաքապետարանի կողմից վերացվել են քանդակների հանդեպ նախկինում կատարված բարբարոսության հետքերը: Իջեւանցիները «Առավոտի» թղթակցին հայտնեցին,ո ր հունվարի 15-ի առավոտյան վնասված քանդակի հետեւում ընկած էր դրա պոկված գլուխը: Մեր այցելության ժամանակ՝ օրվա երկրորդ կեսին քանդակի գլուխն անհետացել էր: Տուֆի թափված փոշին վկայում էր, որ քանդակը նոր է վնասվել:
Կարդացեք նաև
Ոսկան ՍԱՐԳՍՅԱՆ
