Քաղաքական տեխնոլոգ Արմեն Բադալյանի համար նախագահական ընտրություններին ԲՀԿ առաջնորդ Գագիկ Ծառուկյանի ու ՀԱԿ ղեկավար Լեւոն Տեր-Պետրոսյանի չմասնակցելու որոշումը նշանակում է՝ կունենանք էպոսագետին հաղթած նախագահ:
Այսօր «Հայացք» ակումբում նա ընտրությունները համարեց պետպատվերով նկարչություն. «Գյուղապետերին պետպատվերի շրջանակներում ցուցակ են ուղարկելու ու ասելու են՝ 300 ընտրողից ընտրության մասնակցությունը պետք է լինի մոտ 220 հոգի: 2-րդ տեղի թեկնածուին այսքան տոկոս կգրես, մնացածին կամ կգրես, կամ չես գրի, այսքան անվավեր ձայն կգրես: Հետո էլ ասում են՝ 2-րդ տեղի համար պայքար է գնալու, ոչ մի պայքար էլ չի գնալու, որովհետեւ Բաղրամյան 26- ն արդեն որոշել է՝ 2-րդ տեղը կամ կդնի Րաֆֆի Հովհաննիսյանին, կամ էլ Հրանտ Բագրատյանին»:
Քաղաքագետ Գեղամ Նազարյանի համար էլ է պարզ՝ ինչ ելքով է ընտրություններն ավարտվելու. «Իշխանությունները չէին սպասում այսքան հեշտ սցենարի, նրանք սպասում էին թեժ պայքարի: Այս ընտրություններն ամենախայտառակ ընտրություններն են լինելու մեր պատմության մեջ: Սա միջոցառում է, ուրիշ ոչինչ: Միայն զարմանում եմ՝ Բագրատյանի ու Րաֆֆի Հովհաննիսյանի նման քաղաքական փորձ ունեցող գործիչները համաձայնեցին մասնակցել» :
Կարդացեք նաև
Արփինե ՍԻՄՈՆՅԱՆ
Տեսանյութը՝ «Ա1+»-ի
