Այսօր «Ազդակ» ակումբում լրագրողները ՀՀԿ պատգամավոր Համլետ Հարությունյանից հետաքրքրվեցին՝ եթե Պետրոս Մակեյանի առաջարկն ընդունվի կամ Անդրիաս Ղուկասյանի հորդորով բոլոր մյուս թեկնածուները դուրս գան ընտրապայքարից, բոյկոտեն, ի՞նչ կլինի՝ նա պատասխանեց. «Նման բան չի եղել ու չի լինի, որ 7 թեկնածուները հավաքվեն ու դուրս գան: Անիմաստ քաղաքական տրյուկ է: Չի կարող նման բան մեր քաղաքական պատմության մեջ լինել: Այդ ասողները չգիտես ինչ ինչանյան էր»:
Հարցին՝ Ձեր կարծիքով վարչապետի փոփոխություն կլինի՞՝ նա պատասխանեց, որ այդ հարցը պետք է տալ մայիսին. «Վարչապետի մասին խոսակցություններն ավելորդ են: Դրանք որոշ մարդկանց կողմից անընդհատ հրապարակ նետվող հարց է: Ի վերջո մենք ունենք նորմալ վարչապետ՝ կիրթ, գրագետ: Եկեք վարչապետի հարցը տեղափոխենք մայիսին, եթե սաղ լինեմ, կպատասխանեմ»:
Մենք պարոն Հարությունյանից հետաքրքրվեցինք՝ Լեքսուս ունե՞ք: «Էդ ի՞նչ է»,- հարցրեց Հանրապետական պատգամավորը: Երբ տեղակացրեցինք, որ մեքենայի մակնիշ է, որ այդ մեքենայից ունի էպոսագետը՝ նա պատասխանեց. «Էդ Լեքսուսները հեշտ է ձեռք բերելը եւ նույնքան հեշտ է ձեռք բերելը: Երբ ես Լեքսուս էի քշում՝ էպոսագետը սկի էշ չուներ: Մեր ժամանակվա Լեքսուսները գիտեք: Ես որ աչքս բացել եմ, էս մի աչքս, տեսել եմ Լենինի Մոսկվիչ էին ասում՝ այն 4 դռնանի ավտոմեքենան: Մեր ժամանակվա Լեքսուսն էր 31-ը, ես ունեցել եմ: Դրանք ժամանակավոր բաներ են:»:
Հռիփսիմե ՋԵԲԵՋՅԱՆ
