Կենտրոն եւ Նորք-Մարաշ վարչական շրջանների ընդհանուր իրավասության դատարանում վաղը ժ.15-ին դատավոր Արշակ Վարդանյանի նախագահությամբ կսկսվի «Մոսկվա» կինոթատրոնի դրամարկղից գողության համար դատապարտված Ստեփան Հովակիմյանի դեմ հարուցված քրեական գործի դատաքննությունը:
Նա անցյալ տարվա հուլիսի 26-ի դատական նիստի ժամանակ ածելիով ինքնավնասել էր իրեն, ապա բարձախոսով փորձել հարվածել մեղադրանքը պաշտպանող դատախազ Սամվել Հարությունյանին: Այն կանխվել էր դատական կարգադրիչների եւ ոստիկանների օգնությամբ:
Հարուցվել էր քրեական գործ՝ իշխանության ներկայացուցչի դեմ բռնություն գործադրելու հատկանիշներով:
Aravot.am-ը լուսաբանել եւ այդ օրը լուսանկարել էր կատարվածը: Այն տրամադրվել էր նախաքննության մարմնին:
Կարդացեք նաև
Ի դեպ, շաբաթ օրը իմ բնակարան այցելած «Հայփոստի» աշխատակիցը ծանուցագիր հանձնեց, որպեսզի հունվարի 15-ին ներկայանամ Կենտրոն եւ Նորք-Մարաշ վարչական շրջանների ընդհանուր իրավասության դատարան, այս գործով որպես վկա: Հիշեցվել էի նաեւ, որ առանց հարգելի պատճառների չներկայանալու դեպքում, քրեական օրենսգրքի 153 հոդվածի համաձայն, կենթարկվեմ բերման:
Ռուզան ՄԻՆԱՍՅԱՆ
