«Նման բան չկա: Բացարձակ չկա: Ես ձեզ վստահեցնում եմ: Ոչ մի համաձայնություն, անգամ այդպիսի մտադրություն չկա` համաձայնության գալ Բագրատյանի հետ: Չի կարող լինել այդպիսի բան»,- այսօր Aravot.am-ի հետ զրույցում ՀՀԿ պատգամավոր Մկրտիչ Մինասյանը այսպես պատասխանեց կոնգրեսականների մեղադրանքներին, թե Հրանտ Բագրատյանը իշխանության հետ գուցե համագործակցում է:
Իսկ թե ինչու ՀԱԿ առաջնորդ Լեւոն Տեր-Պետրոսյանը չի առաջադրվել` ՀՀԿ պատգամավորն ունի իր բացատրությունը. «Տարիքը չէ: Տարիքը պատրվակ է: Լեւոն Տեր-Պետրոսյանը քաղաքական լուրջ գործիչ է, լրջորեն վերլուծել է իրավիճակը, հանրային ընկալումները, հանրության վերաբերմունքը իր քաղաքական ուժի նկատմամբ եւ բոլոր ռեսուրսները համադրելով` ինքն էլ եկել է այն եզրակացության, որ ամեն ինչի սկիզբ ունի իր վերջը: Նա այդ ճշմարտությունը հասկացել է»:
Մեր հարցին` ԲՀԿ-ի հարցում սխալ հաշվարկները կարո՞ղ էին հիմք հանդիսանալ` այսօրվա ՀԱԿ-ի պասիվության` նա պատասխանեց` «Չգիտեմ ինչքանով է դա նպաստել կամ ծառայել` որպես գործիք` միջոց, որպեսզի իր որոշումն ավելի արագ արվի, բայց նրանք էլ կատարել են իրենց հաշվարկները եւ համոզվել, որ ըստ էության ճիշտ է այդպես դիրքերը չխափանել»:
Կարդացեք նաև
Հռիփսիմե ՋԵԲԵՋՅԱՆ
