Խոսելով այս տարվա ծրագրերից, այսօր ՀՀ կառավարության նիստից հետո առողջապահության նախարար Դերենիկ Դումանյանը հայտնեց, որ բացի տրանսպորտային պատահարներից, տոնական օրերին առողջության հետ կապված դեպքեր չեն գրանցվել: Նախարարի կարծիքով, «ազգաբնակչությունն արդեն գիտակցում է, որ ինքը եւս պետք է մտահոգ լինի իր առողջությամբ, եւ չպետք է, չարաշահի ալկոհոլային խմիչքը, ցուրտ եղանակին դրսում երկար չմնա»:
Այս տարի առողջապահության ոլորտի պատասխանատուն, ինչպես ինքն է ասում, մեծ ուշադրություն է դարձնելու բժշկական որակին, դեղերի ոլորտը պահելու է ուշադրության կենտրոնում, մարզերի բուժհիմնարկները համաչափ զարգացնելու է, որպեսզի գյուղաբնակ ազգաբնակչությունը եւս որակյալ ծառայություն ստանա:
Պարոն Դումանյանը ծրագրել է ֆինանսական միջոցները արդյունավետ կառավարել, որպեսզի քիչ գումարով մեծ արդյունք ապահովի: Ըստ նախարարի. «Մեր ուշադրության կենտրոնում են լինելու սրտանոթային, չարորակ գոյացությունների եւ շաքարային դիաբետի ուղղությունները»: Այս հիվանդությունները մեր երկրում առաջին երեք տեղերն են զբաղեցնում:
Լուսինե ԲՈՒԴԱՂՅԱՆ
Կարդացեք նաև
