Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում (դատավոր՝ Լեւոն Ավետիսյան) ավարտվել է «Հայինկասացիայի» գլխավոր հաշվապահ Անահիտ Գրիգորյանի, գլխավոր հաշվապահի տեղակալ Սաթենիկ Սարգսյանի եւ մյուսների՝ Աղավնիկ Խաչատրյանի, Արմեն եւ Արմինե Գրիգորյանների, Սարգիս Դանիելյանի դեմ հարուցված քրեական գործով դատաքննությունը:
Ինչպես արդեն տեղեկացրել ենք, Անահիտ Գրիգորյանը դատապարտվել էր 9 տարվա ազատազրկման, Սաթենիկ Սարգսյանը՝ 7 տարվա:Արմեն, Արմինե Գրիգորյանները եւ Սարգիս Դանիելյանը կալանվեցին դատարանի դահլիճում:
Այսօր ՀՀ քրեական գործերով վերաքննիչ դատարանը՝ դատավորներ Եվա Դարբինյանի, Գագիկ Ավետիսյանի եւ Սերգեյ Չիչյանի մասնակցությամբ, պետք է լսեր ամբաստանյալների բերած վերաքննիչ բողոքը:
Ամբաստանյալ Սաթենիկ Սարգսյանի պաշտպան Ռուբեն Բալաբանյանի փոխարեն դատարան էր ներկայացել ՀՀ հանրային պաշտպանի գրասենյակից Արման Թամրազյանը: Նա քանի որ նոր էր ներգրավվում գործում, դատարանը հետաձգեց նիստը:
Կարդացեք նաև
Այն նշանակվեց հունվարի 24-ին:
Հիշեցնենք, որ քաղցկեղով հիվանդ է 3-րդ կարգի հաշմանդամ Սաթենիկ Սարգսյանը:
Ռուզան ՄԻՆԱՍՅԱՆ
