ՀՀ վճռաբեկ դատարանը վերադարձրել է ՎՊՄԻ-ի նախկին դասախոս Լուսինե Աշուղյանի բողոքն ընդդեմ ՀՀ վերաքննիչ քաղաքացիական դատարանի`Լոռու մարզի առաջին ատյանի դատարանի կայացրած վճիռն անփոփոխ թողնելու մասին որոշման:
Լոռու մարզի ընդհանուր իրավասության դատարանը, նախագահությամբ դատավոր Աղասի Մկոյանի, անհիմն լինելու հիմքով ամբողջությամբ մերժել էր Վանաձորի պետական մանկավարժական ինստիտուտի նախկին դասախոս Լուսինե Աշուղյանի հայցադիմումն ընդդեմ նույն բուհի ստորաբաժանումների ղեկավարների:
Հայցվորը բուհի 17 դասախոսների մեղադրում է իր պատիվը, արժանապատվությունը եւ գործարար համբավը արատավորելու մեջ:
«Լուսինե Աշուղյանին եւ նրա համախոհներին, ի գիտություն Լուսինե Աշուղյանի եւ նրա թիկունքում թաքնված բանսարկուների, ամբաստանությունների խոսափող, ուսանողական տարիներին չի փայլել գիտական աշխատանք կատարելու հակվածությամբ, անցած տարիների ընթացքում տպագրել է ընդամենը յոթ հոդված, դրսում տպված հոդվածները երեք էջից չեն անցնում, չգնահատված գիտնական, մի՞թե նրա տվյալներով մարդու համար բավական չէր լինի հենց գործակարգավարի պաշտոնը, որում, ի դեպ, նա ընդունվել է աշխատանքի», «արջին կամին չի կարելի լծել»,- այս եւ այլ արտահայտություններն էլ պատճառ էին դարձել նախկին դասախոսին դուրս գալու երբեմնի կոլեգաների դեմ:
Կարդացեք նաև
Անուշ ԲՈՒԼՂԱԴԱՐՅԱՆ
