ՀՀԿ փոխնախագահ Գալուստ Սահակյանը հայտարարել է, թե առաջիկա ընտրություններում Սերժ Սարգսյանին կսատարեն նաեւ ընդդիմության ներկայացուցիչները, եւ իր այդ համոզմունքը բացատրել է նրանով, որ իրենք անընդհատ ինֆորմացվում են։
«ՉԻ» – Փաստորեն Գալուստ Սահակյանն ակնարկում է, որ «հաճախորդների» նոր ցուցակ կա, եւ իրենք դրա վրա աշխատում են: Սա, իհարկե, նորություն չէ. ով ով, բայց Սերժ Սարգսյանը լավ գիտի «հաճախորդների» հետ աշխատելու ձեւերը: Խնդիրը, սակայն, դա չէ, այլ այն, որ Գալուստ Սահակյանի ձեւակերպումն է սխալ. քաղաքական գործիչները չեն կարող միաժամանակ ե՛ւ ընդդիմադիր լինել, ե՛ւ սատարել Սերժ Սարգսյանին: Եթե ինչ-որ մեկը սատարում է նրան, ուրեմն այլեւս ընդդիմադիր չէ: Հետեւաբար Գալուստ Սահակյանի հայտարարությունն իրականում պիտի հնչեր այսպես. «կան քաղաքական գործիչներ, ովքեր այս պահին իբր ընդդիմադիր են, բայց անհրաժեշտ պահին սատարելու են Սերժ Սարգսյանին:
Հետաքրքիր է, Սերժ Սարգսյանը կպատժի՞ Գալուստ Գրիգորիչին խաղաթղթերը ժամանակից շուտ բացելու փորձի համար:
«Չորրորդ ինքնիշխանություն»
