Նոր Նորք վարչական շրջանում, որը մայրաքաղաքի հյուսիսային շրջաններից է, ձյունը տեղալուն պես, ճանապարհների անանցանելիության վտանգը մեծանում է: Ուստի տեղումներին զուգընթաց, համայնքային իշխանություններն անմիջապես նախաձեռնել են ձյան մաքրման աշխատանքները:
Այսօր առավոտից անընդհատ աշխատում է ձյան մաքրման համապատասխան տեխնիկան եւ բանվորական աշխատուժը: Նոր Նորքում առաջին հերթին մաքրվեցին բնակիչների եւ տրանսպորտային միջոցների համար առաջնային եւ կարեւոր հատվածները, որպեսզի թե՛ մեքենաների, եւ թե՛ քաղաքացիների տեղաշարժվելու համար առատ տեղացող ձյունը խոչընդոտ չլինի:
Առավոտից մաքրվում են կանգառներն ու մայթերը, աստիճանահարթակներն ու մարդաշատ փողոցները, գլխավոր պողոտաները, եւ նույնիսկ երկրորդական՝ բակային փողոցները:
Այս պահի դրությամբ էլ Նոր Նորք վարչական շրջանում տեխնիկան եւ բանվորներն աշխատում են. ձնառատ կանգառներ, մայթեր եւ փողոցներ չկան:
Կարդացեք նաև
