Aravot.am –ի հետ զրույցում նման կարծիք հայտնեց քաղաքագետ Գագիկ Համբարյանը` նշելով, որ ամենևին էլ պետք չէ վստահորեն պնդել, թե առաջիկա նախագահական ընտրությունները Հայաստանում կանցնեն առանց արտասովոր զարգացումների: «Ես այս պահի դրությամբ կասեմ, որ գործող նախագահին ոչ ոք չի կարող համարժեք ընդդիմություն լինել, բայց մենք չպետք է խաբնվենք սրան, որովհետև մենք տեսանք 2008 թվականի ընտրությունները, երբ որ Լևոն Տեր-Պետրոսյանը, շատ հմուտ, գրագետ քարոզարշավ տանելով, հասավ նրան, որ իշխանությունները, որոնք հայտարարում էին, թե առաջին նախագահի վարկանիշը 1-2 տոկոս է, փոշմանեին իրենց ասածից, փետրվարի 19-ին ինչքան ձայներ հավաքեց նա: Այնպես որ, այս 7 թեկնածուների մեջ ես տեսնում եմ մի մարդու, որը կարող է քիչ թե շատ խառնել իշխանությունների խաղաքարտերը, դա «Ժառանգության» ղեկավար Րաֆֆի Հովհաննիսյանն է, որը եթե վարի ակտիվ, գրագետ քարոզարշավ, ապա կկարողանա մոտակա նախագահական ընտրությունները թևակոխել տալ երկրորդ փուլ»,- ասաց մեր զրուցակիցը:
Նունե ԱՐԵՎՇԱՏՅԱՆ
