Տեւական շրջան համարվում էր, թե Ջոն Լենոնի կինը՝ Յոկո Օնոն էր The Beatles-ի տրոհման հիմնական պատճառը: Սակայն վերջերս հանրությանը ներկայացվեց Յոկո Օնոյի 1987-ին տված հարցազրույցը: Այստեղ նա ասում է, որ ինքը չի տրոհել խումբը, քանի որ այն տրոհվել էր մինչ իրեն:
Ըստ Յոկո Օնոյի՝ առաջինը խումբը լքել ցանկացել էր ոչ թե Լենոնը, այլ Ռինգո Սթարը: Հետո նույն ցանկությունն ունեցավ Ջորջ Հարիսոնը, եւ նրանից հետո նոր՝ Ջոն Լենոնը:
Նա ասել է, թե չորսից միակը, որը ցանկանում էր պահպանել խումբը՝ Փոլ Մաքքարթնին էր: Սակայն լիվերպուլյան քառյակի մնացած անդամները սկսել էին զգալ, որ The Beatles-ը աստիճանաբար դառնում է Փոլի խումբը եւ դա նրանց դուր չէր գալիս:
Օնոյի 26-ամյա վաղեմության հարցազրույցը համահունչ է Փոլ Մաքքարթնիի վերջերս արած հայտարարությանը: Բրիտանացի լրագրողներին նա հոկտեմբերին ասել էր, որ ճապոնուհին չտրոհեց խումբը, քանի որ այդ պահին խումբն արդեն տրոհման եզրին էր:
Կարդացեք նաև
https://ntdtv.ru/
