Այսօր վարչական դատարանը քննել է նախագահի թեկնածու, Սուրենավանի բնակիչ Մարտիկ Սարգսյանի բողոք դիմումը՝ ՀՀ Ոստիկանության անձնագրերի եւ վիզաների վարչության ՝ վերջին 10 տարում Հայաստանում մշտապես բնակվելու մասին տեղեկանք չտրամադրելու որոշման վերաբերյալ:
Պարոն Սարգսյանը Aravot.am-ի հետ զրույցում դժգոհեց, որ այսօրվա դատական նիստի մասին իրեն տեղեկացրել են երեկ, ու ինքը չի հասցրել Հայաստանում բնակվելու վերաբերյալ համապատասխան ապացույցներն ու հիմնավորումները ձեռք բերել ու ներկայացնել դատարան. «Պետական , գիտամանկավարժական կարեւոր գործերով այցելել եմ Հնդկաստան: Այնքան հապշտապ նշանակվեց դատական նիստը, որ չեմ հասցրել այնտեղից պահանջել իմ գործուղման թերթիկները»:
Դատավճիռը հրապարակվելու է վաղը, բայց պարոն Սարգսյանը վստահ է, որ իր հայցը մերժելու են. «Պատվիրված պատասխան է , մերժելու են»:
Արփինե ՍԻՄՈՆՅԱՆ
