Հայաստանի լավագույն ֆուտբոլիստ եւ ազգային հավաքականի առաջատար Հենրիխ Մխիթարյանը հայտարարել է, թե մեր ընտրանին աշխարհի 2014 թվականի առաջնության եզրափակչի ուղեգիր նվաճելու հնարավորություն դեռ ունի: «Աշխարհի առաջնություն անցնելու շանս դեռ կա եւ մենք աշխատելու ենք իրականացնել բոլոր հայ ֆուտբոլասերների երազանքը: Հայաստանն այնքան էլ հաջող չսկսեց ընտրական մրցաշարը: Բայց մեր առավելությունն այն է, որ մենք անկաշկանդ ենք խաղում: Արդյունք ցույց տալու ծանրությունը մեզ չի ճնշում ու ոչ-ոք մեզանից աշխարհի առաջնության եզրափակիչ փուլ մտնել չի պահանջում: Մեզ միշտ սովորեցրել են մտնել խաղադաշտ, ֆուտբոլ խաղալ եւ ձգտել հաղթանակի», – Մխիթարյանի խոսքերը մեջբերում է REGNUM գործակալությունը:
Աշոտ ՀԱԿՈԲՅԱՆ
