Այսօր Aravot.am-ը պատմական գիտությունների թեկնածու Արշավիր Գասպարյանից հետաքրքվեց, թե ՀՀ նախագահական ընտրություններին թեկնածություն առաջադրելու համար որևէ գերտերության ղեկավարից թույլտվություն ստանալու մասին խոսակցությունները հումո՞ր են, թե՞ այստեղ որևէ չափազանցություն չկա, հենց այդպես է:
«Իմ կարծիքով, դա անհեթեթություն է , եթե վերցնենք մանավանդ, որ մենք անկախ պետություն ենք համարվում, բայց ես գտնում եմ, որ դա ունի դարավոր հիմքեր: Հարյուրամյակներ շարունակ մեր ժողովուրդը ,զրկված լինելով պետականությունից, ընկած է եղել այս կամ այն գերտերության լծի տակ, և միշտ էլ այն հոգեբանությունն է իշխել, որ ինչ-որ մեկը, օտարը պետք է մեր հարցերը լուծի , օտարը պետք է հավանություն տա, օտարը պետք է դաբրո տա:Ոչ, ընդհակառակը, ես ցանկանում եմ, որ այդպես լինի. ժողովուրդը ինքը որոշի , ոչ թե իր փոխարեն որոշեն, իսկ այդ ամենը, ինքնըստինքյան, ազդում է բոլորի վրա , ինչ-որ մեկը գնացել է այս երկիր, ինչ-որ մեկը այն երկիր, դա արդեն ցույց է տալիս մեր քաղաքական դաշտի անկայանությունը»,- ասում է պատմաբանը:
Նունե ԱՐԵՎՇԱՏՅԱՆ
