Հարգելի «փաստասեր» ընթերցողներ, այս տարվա վերջին գրառումը որոշեցինք ամբողջովին նվիրել Ամանորին և ձեր ուշադրությանը ներկայացնել 13 փաստ մեր ամենասիրելի տոներից մեկի վերաբերյալ: Ամանորով նշում են տարվա սկիզբը: Տարին ժամանակի սահմանն է, որը վերցրած է բնությունից։ Դա այն ժամանակաշրջանն է, որի ընթացքում Երկիր մոլորակը կատարում է մի լրիվ պտույտ Արեգակի շուրջը։ Երկրի կատարած շրջապտույտը հավասար է 934 միլիոն կիլոմետրի, որն անցնում է մեծ արագությամբ, եթե հիշենք, որ մեկ վայրկյանում անցնում է 30 կիլոմետր։ Տարվա գաղափարը առաջին անգամ ծագել է Եգիպտոսում։ Այն կապվել է Նեղոս գետի վարարման հետ։ Դրանով էր պայմանավորված եգիպտացիների կյանքը, երկրագործական աշխատանքները։ Նեղոսի վարարման սկիզբը համընկնում էր Սիրիուս աստղի երևալու հետ։ Եվ ահա այդ աստղի և Նեղոսի վարարման միջև ընկած ժամանակաշրջանն էլ կոչեցին տարի։
Սանտա Կլաուսների ամենամեծ հավաքածուն պատկանում է կանադացի Ժան-Գի Լակերրին: Նրա հավաքածուի մեջ են մտնում Սանտա Կլաուսի կերպարով շուրջ 25 104 տեսակի տարբեր իրեր` խաղալիքներ, արձանիկներ, խաղաթղթեր և այլն:
Ամենաթանկ խաղալիքներով զարդարված տոնածառը գտնվում է Տոկիոյում: Ճապոնական Tsunamachi Misui Club ոսկերչական ընկերությունը ծախսել է 1 357 785 000 Ճապոնական իեն (մոտ 16 միլիոն ԱՄՆ դոլար), որպեսզի զարդարի ընկերության գրասենյակում գտնվող տոնածառը:
Ամանորյա ամենաշահութաբեր ֆիլմն է համարվում 2000թ.-ին ԱՄՆ-ում թողարկված «Ինչպես Գրինչը գողացավ Ծննդյան տոները» (How the Grinch Stole Christmas) ֆիլմը: Ֆիլմի բյուջեն կազմել է $ 123 միլիոն, իսկ նրանից ստացված շահույթը` $ 340 միլիոն:
Տոնական Էլեկտրական լամպերն առաջին անգամ վառվեցին 1895 թվականին Սպիտակ տան դիմաց:
Իտալիայում ամանորյա հետաքրքիր սովորույթի մասին թերևս շատերը գիտեն: Հին տարվա վերջին րոպեներին նրանք դուրս են նետում հին իրերը: Համարվում է, որ եթե հին իրերը դուրս նետվեն, նոր տարին նորերը ձեռք բերելու հնարավորություն կընձեռի:
Ձյունանուշը իբրև Ձմեռ պապի թոռնուհի «ծնվել» է դեռևս 20-րդ դարի 50-ական թվականներին:
Անգլիայի բնակիչները կեսգիշերին` ժամացույցի վերջին զարկերի հետ, բացում են տան ետեւի կողմի դռները` հին տարին դուրս բերելու եւ բացում են մուտքի դուռը` Նոր տարին ներս թողնելու համար:
