Սեպտեմբերի 27-ին Տավուշի մարզի առաջին ատյանի դատարանում պետք է սկսվեր դիլիջանցի 4 երիտասարդների դատավարությունը, սակայն դատավոր Սամվել Մարդանյանի զբաղվածության պատճառով նիստը չի կայացել: Նրանց մեղադրանք է առաջադրված այն բանի համար, որ ընկերներից մեկի` Սերգեյ Միքայելյանի ամուսնության նպատակով 2012 թվականի նոյեմբերի 11-ին առեւանգել են Դիլիջանի բնակչուհի Գ. Տ-ին եւ տարել Լոռու մարզի Յաղդան գյուղ:
Երիտասարդներին` 1989թ. ծնված Սերգեյ Միքայելյանին,1986թ. ծնված Արթուր Շերոյանին, 1990թ. ծնված Արամ Աղաջանյանին եւ 1990թ. ծնված Ազատ Բաղդասարյանին մեղադրանք է առաջադրվել ՀՀ քրեական օրենսգրքի 131 հոդվածի 2-րդ մասի 1-ին կետով («Մարդուն առեւանգելը»): Նրանց այդ հոդվածով սպառնում է 4-8 տարի ժամկետով ազատազրկում:
4 երիտասարդն էլ նախկինում դատված չեն, նրանց նկատմամբ խափանման միջոց է ընտրվել չհեռանալու մասին ստորագրությունը:
Հավելենք, որ աղջիկը Յաղդանում պահվել է ընդամենը մի քանի ժամ:
Կարդացեք նաև
Ոսկան ՍԱՐԳՍՅԱՆ
