Քաղաքագետ Լեւոն Շիրինյանի գնահատմամբ, քաղաքական գործունեությունից դուրս գալու ԲՀԿ-ի քայլը բերեց ընդդիմության ֆիասկոյին ու կոլապսին:
«Քաղաքական դաշտը փակուղի մտավ»,- այսօր ասուլիսի ժամանակ ասաց քաղաքագետը:
Ընտրություններին չմասնակցելու ԲՀԿ-ի, ՀԱԿ-ի եւ ՀՅԴ-ի որոշումը քաղաքագետը բնորոշեց նահանջ երգով. «Ջախջախվել են, բայց անընդհատ պատմում են, թե ինչ հաջողություններ ունեն: Ասում են 7 կետ ունենք: Ազնիվ խոստովանելը վա՞տ բան է, անկեղծ ասեն՝ սխալվել եմ: Մեղավոր են այս կուսակցությունների ղեկավարները, որ չկարողացան ստրատեգիա մշակել եւ մասնակցել ընտրություններին»:
«Գիտի, որ ջախջախվելու է, ասում է տարիքս: Դեկտեմբերի՞ն հիշեցիր տարիքդ, ի՞նչ տարիք: Տարիքը պատրվակ է, ոչ թե պատճառը: Երեւի ռեսուրս չունեին, փողերը ծախսել, պրծել էին»,- ՀԱԿ առաջնորդ Լեւոն Տեր-Պետրոսյանի հայտարարությանն էլ անդրադառնալով ասաց պարոն Շիրինյանը:
Կարդացեք նաև
Նա նաեւ հավելեց, որ Հայաստանում իշխանությունը ոչնչացրեց ընդդիմությանը. «Հայաստանի քաղաքական ղեկավարությունը չփորձեց ունենալ քաղաքական նոր մշակույթ»:
Պարոն Շիրինյանը վստահ է, որ այս անգամ ընտրական խախտումների հարկ չի էլ լինի. «Ամեն ինչ որոշված է»:
Թեկնածուներից էլ սպասելիքներ ունի Արման Մելիքյանից: Ըստ նրա, նա նոր երանգ կբերի. «Նա Արցախի հարցում ռադիկալ է ու պատրաստված է: Մյուս թեկնածուների մեջ ոչ մի եհտաքրքրություն , նորություն չեմ տեսնում»:
Արփինե ՍԻՄՈՆՅԱՆ
