«Երկրում սոցիալ-տնտեսական իրավիճակը ճգնաժամային է, և դրա պատճառով արտագաղթն ավելի բարձր տեմպերով շարունակվում է: Պետք են վճռական քայլեր, այլ ոչ թե իշխանության սովորական, մտածելով քայլերը»,-Aravot.am-ի հետ զրույցում այսպիսի կարծիք հայտնեց ՀԴԿ ղեկավար Արամ Սարգսյանը:
Շարունակելով նա ասաց. «Իրենք չեն պայքարում անհրաժեշտ կերպով ստվերի, օլիգարխիայի մենաշնորհի դեմ, ինչը երկրին անհրաժեշտ է, որ բյուջեն լցվի: Ավելին, բյուջեն գողանում են, բայց նրանք էլի չեն կարողանում ապահովագրել իրենց բյուջեն»:
Պարոն Սարգսյանից հետաքրքրվեցինք՝ ո՞րն է ՀՀ նախագահական ընտրությունների վերաբերյալ իր գնահատականը: Նա պատասխանեց. «Առանձնապես հետաքրքրություն չեն առաջացնում մեզ համար ընտրությունները: Կարևոը դա չէ, այլ նա, թե որքանով հասարակությունը պահանջատեր կլինի իշխանության նկատմամբ, որպեսզի իրականացվեն այն որոշումներն ու քայլերը, որոնք այսօր անհրաժեշտ են, կենսական նշանակություն ունեն մեր ժողովրդի և պետության համար»:
Լ. Տեր-Պետրոսյանի չառաջադրման համար բերված պատճառաբանության մասին էլ պարոն Սարգսյանն ասաց. «Այդ տարիքում գեներալ Դե Գոլը առաջին անգամ դարձավ նախագահ և ևս մի նոր պետություն ստեղծեց, աշխատեց մինչև 78 տարեկան: Այնպես որ, դա արհեստածին պատճառ էր: Կարևոր չէ, թե քանի տարեկանում է նա գտնվում: Կարող էր 40 տարեկանում ասել, որ այն եռանդն ու հնարավորությունը չունի: Նայած մարդն ինչպես է իրեն գնահատում»:
Կարդացեք նաև
Տաթև ՀԱՐՈՒԹՅՈՒՆՅԱՆ
