Առաջին ձյունը կտեղա հունվար 31-ին: Մինչ այդ պայծառ եղանակը կպահպանվի:
Այսօր «Հայացք» ակումբում այս մասին հայտնեց ԱԻՆ հայպետհիդրոմետի օպերատիվ հիդրոօդերութաբանության կենտրոնի պետ Զարուհի Պետրոսյանը:
Նոր տարվա առաջին օրը ձյունը կտեղա հանրապետությունով մեկ: Ինչպես հանրապետության գլխավոր օդերեւութաբանն է կանխատեսում, հունվարին, փետրվարին ու մարտին տաք եղանակ է սպասվում: Չնայած դրան, այս տարի, նախորդ մի քանի տարիների համեմատությամբ, ձյան ամենաբարձր շերտն է գոյացել: Արագած լեռան վրա այն հասնում է 1 մետր 30 սանտիմետրի: Լեռնային այլ շրջաններում ձնածածկը 40-45 սանտիմետր է: Արարատյան դաշտում ձյան շերտ չի գոյացել, բայց եկած տեղումների քանակը բավարար է գյուղատնտեսության համար հաջող տարի լինելու համար:
Կարդացեք նաև
Տիկին Պետրոսյանի ներկայացմամբ, հունվարը 2 աստիճանով տաք կլինի նորմայից:
Մարտ ամսին էլ այնպիսի ցուրտ չի լինի, ինչպիսին նախորդ տարվա մարտն էր: Եթե տեղումներն այսպես շարունակվեն, ըստ գլխավոր օդերեւութաբանի, առատ ջրի պաշարներ կունենանք:
Այսօր ջերմաստիճանը չի բարձրանա +2-ից: Գիշերային ջերմաստիճանը կբարձրանա դեկտեմբերի 29-ից սկսած: Հունվարի 30-ի գիշերը սպասվում է -1-ից +1 աստիճան:
Լուսինե ԲՈՒԴԱՂՅԱՆ
