Քաղաքագետ Ռիչարդ Կիրակոսյանը դժվարանում է ասել, թե ինչը հանգեցրեց նախագահական ընտրություններին չմասնակցելու ՀԱԿ-ի ու ԲՀԿ-ի որոշմանը:
«ԲՀԿ-ն չունի համապատասխան թեկնածու, իսկ առաջին նախագահ Լեւոն Տեր-Պետրոսյանի չառաջադրվելու որոշումն էլ խելացի որոշում է: Իսկ եթե կար ռազմավարական ծրագիր այս որոշման համար, դրա մասին չգիտենք»,- ասաց պարոն Կիրակոսյանը: Նրա համոզմամբ, ԲՀԿ-ի ու ՀԱԿ-ի որոշումը նաեւ Հայաստանի քաղաքական համակարգի խնդիրն է արտացոլում. «Քաղաքական համակարգը շատ փակ է, գաղտնապահ եւ իրական քաղաքական գործիչներ չկան: Իրականում Հայաստանում քաղաքականությունը անձերին է վերաբերում, ոչ թե քաղաքական ուժերին, իշխանության եւ փողի խնդիր է, ոչ թե գաղափարախոսության: Քաղաքական գործիչներն էլ քաղաքականությամբ են զբաղվում որպես հոբի»: Նա այդպես էլ գլուխ չի հանել ԲՀԿ-ից՝ այլընտրա՞նք էր, ընդդիմություն, թե՞՝ իշխանություն, բայց մի բանում համոզված է. «Մի կողմից ՀՀԿ-ԲՀԿ կոնֆլիկտը իրական էր, մյուս կողմից՝ ԲՀԿ-ն ու ՀՅԴ-ն դժվարությամբ են կարողանում ապացուցել, որ իրական ընդդիմություն են, որովհետեւ նրանք հնարավոր է իրականում ընդդիմություն չեն »:
Կարդացեք նաև
Արփինե ՍԻՄՈՆՅԱՆ
